SWYDD AR GAEL
Dewch i ymuno a'r tîm - mwy o fanylion isod 
UCAC
Undeb Cenedlaethol Athrawon Cymru
Mae UCAC yn undeb ar gyfer athrawon, penaethiaid, darlithwyr a thiwtoriaid dros Gymru gyfan – yr unig undeb addysg sy’n rhoi addysgwyr Cymru’n gyntaf.
Rydyn ni’n cyfuno gwasanaeth ar lefel bersonol gyda grym undebol nerthol wrth ddylanwadu ac ymgyrchu.
Rydyn ni’n angerddol ynghylch cefnogi ac amddiffyn ein haelodau, ac ynghylch gweithio er budd system addysg sy’n gwbl addas i anghenion Cymru a phawb sy’n byw yma.
Cynhadledd Flynyddol UCAC 2023
Rydym yn falch o gyhoeddi bydd ein Cynhadledd flynyddol eleni yn cael i gynnal wyneb yn wyneb i lawr yng Ngwesty’r Coldra Court, Casnewydd, hwn yw’r Gynhadledd cyflawn cyntaf ers cyn y cyfnod clo. Prif noddwr ein Cynhadledd eleni yw Darwin Gray.
Rydym yn edrych ymlaen i groesawu Meredudd Jones, Pennaeth TG a Chyd-gysylltydd Sgiliau Digidol a Alan Thomas Williams Swyddog Cwricwlwm, Cyngor Sir Caerdydd fel ein siaradwyr gwadd.
Mae croeso mawr i bawb sy’n aelod o UCAC ac mae'n gyfle gwych i chi gymdeithasu, sgwrsio a rhannu profiadau gyda chyd aelodau a llawer mwy...
Os oes gyda chi diddordeb ymuno â ni – cysylltwch a Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld. 01970 639 950
TRYDAR
UCAC
UCAC
NEWYDDION
AMDDIFFYN YR HAWL I STREICIO – RALI TUC CYMRU
3 Chwefror 2023
Ddydd Mercher, 1 Chwefror, roedd Ioan Rhys Jones, Ysgrifennydd Cyffredinol UCAC, ymhlith y siaradwyr yn rali TUC Cymru, Amddiffyn yr Hawl i Streicio. Cynhaliwyd y rali yng Nghaerdydd mewn ymateb i’r camau sy’n cael eu cymryd gan Lywodraeth San Steffan i gyflwyno deddfwriaeth gwrth-undebol a fyddai’n cyfyngu ar hawliau unigolion i streicio. Mae’r gyfraith arfaethedig yn golygu y gellid gorfodi gweithwyr i weithio, er eu bod wedi pleidleisio’n ddemocrataidd i streicio. Dywedodd Ioan, “Mae’n bwysig ein bod yn amddiffyn rhyddid gweithwyr a’u hawl i leisio eu barn a gweithredu er mwyn amddiffyn eu cyflog a’u hamodau gwaith. Mae UCAC yn falch o sefyll dros hawliau ei haelodau.”
Roedd cannoedd yn bresennol yn y rali yng Nghaerdydd ac mae dros 200,000 o bobl eisoes wedi llofnodi deiseb yn erbyn y ddeddfwriaeth gwrth streicio.
Canlyniad Balot Diwydiannol UCAC
17 Ionawr 2023
Pleidleisiodd mwyafrif mawr o’r rhai a bleidleisiodd o blaid mynd ar streic, fodd bynnag, ni lwyddwyd i gyrraedd y trothwy angenrheidiol o 50% o bleidleisiau wedi eu dychwelyd i weithredu.
Pleidleisiau a fwriwyd fel canran o’r unigolion a oedd â’r hawl i bleidleisio 45.19%
Cwestiwn: Ydych chi’n barod i gymryd rhan mewn streic?
Nifer y papurau a ddifethwyd, neu yn annilys 0
Canlyniad y Bleidlais
Ydw 88.62%
Nac Ydw 11.38%
Byddwn felly yn ymgynnull cyfarfod brys o’r Cyngor Cenedlaethol wythnos nesaf i drafod y ffordd ymlaen. Yn y cyfamser bydd UCAC yn parhau i drafod gyda’r Llywodraeth a’r Awdurdodau ar ran aelodau o ran llwyth gwaith a chyflog.