Ionawr 2025 

Mae gan Education Support ystod o ddosbarthiadau meistr llesiant rhyngweithiol a chyffrous i reolwyr ac arweinwyr ysgol.  Maent yn rhad ac am ddim, felly beth am gofrestru?

Dyma ychydig fwy o wybodaeth am y cyrsiau:

• Newid yn ystod amseroedd anodd – 21/01/25, 09.30-12.00   

Mae’r dosbarth meistr hwn, ar gyfer rheolwyr ac arweinwyr ysgol sy'n gweithio mewn ysgolion yng Nghymru. Bydd yn edrych ar nifer o ddamcaniaethau/modelau ymarferol gan gynnwys y cylch galar a ddaw yn sgil diswyddo a’r gromlin newid. Bydd hefyd yn edrych ar sut i drin eraill yn deg, meddwl am effaith y broses, cynnig cefnogaeth briodol, yn rhoi ystyriaeth i faterion megis tôn llais, agwedd a thosturi ac yn rhoi sylw i’r ffordd y mae'r gyfraith yn ystyried gwaharddiadau.

• Meithrin timau eithriadol: cefnogi ysgolion hapus ac iach – 20fed Chwefror 2025, 13.00-15.30.

Bydd y dosbarth meistr hwn, a gyflwynir gan hwylusydd arbenigol Sonia Gill, yn rhannu sut y mae perfformiad uchel a hapusrwydd yn cydblethu ac yn dangos nad ydynt yn annibynnol ar ei gilydd.

• Menopos i gydweithwyr: dosbarth meistr i arweinwyr a rheolwyr – 5ed Mawrth 2025, 09.30-12.00

Cyflwynir y dosbarth gan hwylusydd arbenigol, Helen Clare.  Mae’n ddosbarth ar gyfer dynion a’r rheini a bennwyd yn ddynion ar eu genedigaeth a bydd yn rhoi dealltwriaeth o heriau’r peri-menopos a’r menopos o fewn ysgol.  Yn dilyn y cwrs, dylai mynychwyr deimlo’n fwy hyderus i gynnal sgyrsiau gyda chydweithwyr ac aelodau tîm am y menopos. Bydd y cwrs yn galluogi mynychwyr i gefnogi cydweithwyr neu eu cyfeirio at gefnogaeth briodol. Bydd hefyd yn rhoi cipolwg o’r newydd ar sut i greu diwylliant sy’n annog sgwrs agored am y menopos.

• Cadw'n cŵl yn ystod y menopos yn yr ysgol: dosbarth meistr rhyngweithiol - 18fed Mawrth 2025, 13.00-15.30

Ymunwch â’r arbenigwr ‘menopos yn yr ysgol’, Helen Clare, a fydd yn cynnig awgrymiadau a chyngor ymarferol i staff addysgu yng Nghymru sut i ddelio â’r peri-menopos/menopos o fewn ysgol.

Tachwedd 2024 

Os ydych chi am wella a gloywi eich Cymraeg, beth am roi cynnig ar un o'r cyrsiau sydd wedi eu trefnu yn benodol ar gyfer y gweithlu addysg?  Mae'r Ganolfan Dysgu Cymraeg Genedlaethol wedi trefnu nifer o gyrsiau preswyl ar lefelau amrywiol, er mwyn cynorthwyo unigolion sydd am ddysgu'r iaith neu sydd am wella eu sgiliau yn y Gymraeg.  Mae mwy o wybodaeth am y cyrsiau isod.  Noder bod yr holl gyrsiau preswyl yn cynnwys lluniaeth llawn ac maent wedi eu cyllido yn llawn.  Fodd bynnag, nid yw costau teithio na chyflenwi ar gyfer yr ysgol wedi eu cynnwys.  

*Cwrs Mynediad 1 - Dyma gyfle i unigolion sy’n gweithio mewn ysgolion yng Nghymru a sydd ar ddechrau eu taith iaith i astudio ar gwrs preswyl yng Ngwersyll yr Urdd Llangrannog. Tiwtoriaid o Nant Gwrtheyrn fydd yn dysgu ar y cwrs a Nant Gwrtheyrn fydd yn rheoli elfennau gweinyddol y cwrs. Bydd y cwrs yma yn rhoi hwb i ddysgwyr i ddechrau defnyddio Cymraeg achlysurol yn eu gweithle

*Cwrs Codi Hyder - Defnyddia dy Gymraeg yn yr Ysgol - Mae'r cwrs preswyl yma yn Nant Gwrtheyrn ar gyfer siaradwyr ar lefel uwch neu gloywi ac yn canolbwyntio ar gynyddu sgiliau sydd eu hangen ar y gweithlu addysg i fedru defnyddio'r Gymraeg bob dydd yn eu gwaith.  Bydd y cwrs yn canolbwyntio ar ddefnydd llafar ond yn rhoi sylw i sgiliau deall, ysgrifennu a darllen hefyd.  Bydd digon o gyfleoedd yn ystod y cwrs i drafod sut i fynd ati i newid defnydd iaith yn y gwaith a hefyd i ddatrys heriau sy'n wynebu'r unigolion.  

*Cwrs Mynediad Symud 'Mlaen Gweithlu Addysg - Dyma gyfle i ddysgwyr sydd wedi cwblhau'r Cwrs Hunan astudio ar lefel Mynediad ac sy'n dymuno adolygu cynnwys y cwrs a pharatoi ar gyfer y cam nesaf.  Cwrs preswyl yn Nant Gwrtheyrn fydd y cwrs a bydd yn brofiad trochi arbennig i ddysgwyr fwynhau defnyddio eu hiaith newydd, ychydig o ddiwylliant y Gymraeg a chymdeithasu gyda chriw o unigolion ar yr un lefel ieithyddol. 

*Cwrs Sylfaen Symud 'Mlaen Gweithlu Addysg - Dyma gyfle i ddysgwyr sydd wedi cwblhau'r Cwrs Hunan-astudio ar-lein Sylfaen ac sy'n dymuno adolygu cynnwys y cwrs a pharatoi ar gyfer y cam nesaf.  Cwrs preswyl yn Nant Gwrtheyrn fydd y cwrs a bydd yn brofiad trochi arbennig i ddysgwyr fwynhau defnyddio eu hiaith newydd, ychydig o ddiwylliant y Gymraeg a chymdeithasu gyda chriw o unigolion ar yr un lefel ieithyddol

*Cwrs Estynedig Mynediad 1 a 2 Gweithlu Addysg 2025 - Dyma gyfle i unigolion sy'n gweihtio mewn ysgolion yng Nghymru sydd ar ddechrau eu tiaith iaith astudio ar gwrs preswyl estynedig gyda Nant Gwrtheyrn.  Mae hyn yn cynnwys wythnos breswyl 1 yn Nant Gwrtheyrn, 6 gwers ar-lein, wythnos breswyl 2 yn Nant Gwrtheyrn, un sesiwn gefnogi ar-lein ar ddiwedd y cyfnod.  Nod y cwrs yma yw cynyddu sgiliau siaradwyr newydd yn gyflym a rhoi'r hyder iddynt ddefnyddio Cymraeg syml yn eu gwaiht o ddydd i ddydd.  Bydd hyn yn eu galluogi i gyfrannu at amgylchedd Gymraeg a Chymreig eu hysgolion.  

Er mwyn cael mwy o wybodaeth am y cyrsiau uchod, ewch i: 

HTTPS://DYSGUCYMRAEG.CYMRU/PORTHGWEITHLU-ADDYSG/

neu anfonwch e-bost at Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.

neu ffoniwch 01758 750 334 a dewis yr Adran Addysg.

Tachwedd 2024 

Ydych chi am ystyried sut y gallwch adeiladu gwell perthynas rhyngoch chi fel athro/athrawes a rhieni dysgwyr?  Os mai 'Ydw' yw eich ateb i'r cwestiwn, beth am gofrestru ar gyfer gweminar sydd wedi ei threfnu gan Education Support.  Mae'r weminar yn cynnwys cyfraniadau gan ystod o addysgwyr.   Cynhelir y weminar ddydd Mawrth 26 Tachwedd 2024 rhwng 4 a 5 y prynhawn.  

Pam mae'r weminar hon mor bwysig?  

*mae sefydlu a chynnal perthnasau gwaith cadarnhaol gyda rhieni ac athrawon yn hanfodol ar gyfer sicrhau llwyddiant dysgwyr 

Bydd y weminar yn cynnig: 

* arweiniad ar ddatblygu a chynnal perthnasau gwaith cadarnhaol 

* cyngor defnyddiol sut i gynnal sgyrsiau gyda rhieni 

* cefnogaeth a chyngor iechyd meddwl, gan nodi sut i ymdrin ag ymddygiad heriol 

*arweiniad ar sut y gall ysgolion ddatblygu polisiau a strategaethau a fydd yn hybu perthnasau iach

Os oes diddordeb gennych mewn ymuno â'r weminar, dilynwch y ddolen isod: 

Building better parent-teacher relationships

Cynhelir y weminar drwy gyfrwng y Saesneg.  Gofynnir am gyfraniad o bunt oddi wrth bawb fydd yn mynychu.  

1 Hydref 2024 

Mae gan Education Support ystod o ddosbarthiadau meistr llesiant rhyngweithiol a chyffrous i reolwyr ac arweinwyr ysgol eu harchebu nawr. Mae'r lleoedd yn cael eu hariannu gan Lywodraeth Cymru, heb unrhyw gost i staff. 

 Ceir manylion pellach isod:

• Hawlio eich hun yn ôl: harneisio cryfder mewnol a hunan-dosturi o fewn arweinyddiaeth – Dydd Mercher 13eg Tachwedd       

Cofrestrwch nawr, heb unrhyw gost i chi! 

Weithiau gall gwaith eich llethu a byddwch yn colli eich hunaniaeth yn eich gwaith a all effeithio ar eich llesiant. Bydd y dosbarth meistr rhyngweithiol hwn, ar gyfer rheolwyr ac arweinwyr ysgol yng Nghymru, yn eich helpu i ad- ‘hawlio’ bod yn dosturiol tuag atoch eich hun a deall yr hyn sy'n bwysig i chi, adennill eich diben a chryfhau. Bydd yn tynnu sylw at y gwahaniaethau allweddol rhwng ‘gwneud’ a ’bod’ ac na ddylai un fod ar draul y llall.

• Sgyrsiau dewr ond tosturiol: deall prosesau rheoli –Dydd Mawrth, Tachwedd 26ain

Cofrestrwch nawr, heb unrhyw gost i chi! 

Mae'r gweithdy hwn, ar gyfer rheolwyr ac arweinwyr ysgol sy'n gweithio mewn ysgolion yng Nghymru, yn edrych ar y prosesau ymchwilio pan fydd pobl yn destun achwyniad disgyblu neu achos absenoldeb ac yn cynnig argymhellion ynghylch ymddygiad i wneud i'r broses redeg mor esmwyth â phosibl.

Byddwn yn edrych ar sut i drin eraill yn deg, meddwl am effaith y broses, cynnig cefnogaeth briodol, tonyddiaeth a thosturi a sut mae'r gyfraith yn ystyried gwaharddiadau.

• Newid yn ystod amseroedd anodd – Dydd Mawrth 21^ain Ionawr      

Cofrestrwch nawr, heb unrhyw gost i chi! 

Yn ystod y dosbarth meistr hwn, ar gyfer rheolwyr ac arweinwyr ysgol sy'n gweithio mewn ysgolion yng Nghymru, byddwn yn edrych ar nifer o ddamcaniaethau/modelau ymarferol gan gynnwys cylch galar diswyddo, y gromlin newid. Byddwn yn edrych ar sut i drin eraill yn deg, meddwl am effaith y broses, cynnig cefnogaeth briodol, tonyddiaeth a thosturi a sut mae'r gyfraith yn ystyried gwaharddiadau.

Awst 2024

 Gwybodaeth am ddosbarthiadau meistr a gynhelir ym mis Medi 2024.  

Ydych chi wedi bod ar un o ddosbarthiadau meistr rhyngweithiol Education Support?  Os nad ydych, peidiwch â phoeni - dyma eich cyfle!  

Mae dosbarthiadau meistr lles rhyngweithiol Education Support yn ôl ar gyfer mis Medi! Ariennir y lleoedd gan Lywodraeth Cymru, heb unrhyw gost i staff.

 DYDDIAD AC AMSER 

•  Medi 20fed, 09.30-12.00

CYNNWYS

•  Lles a llwyth gwaith: sut i reoli eich llwyth gwaith mewn lleoliad addysg, gan ofalu amdanoch eich hun ar yr un pryd 

 Yn ystod y dosbarth meistr cefnogol a chyfrinachol hwn byddwch yn:

• Rhoi sylw i'r hyn yr ydych yn angerddol yn ei gylch a phwrpas eich rôl, er mwyn eich atgoffa pam y daethoch i'r proffesiwn yn y lle cyntaf.
• Archwilio ymchwil a theori sy'n gysylltiedig â llwyth gwaith megis  'gweithio'n gallach nid yn galetach', damcaniaeth 'ymateb dos', y 'ffenestr oddefgarwch', enillion ymylol a'r cysyniad o gynhyrchiant. Byddwch yn archwilio'r theori a'r strategaethau cysylltiedig y gallwch eu rhoi ar waith i reoli llwyth gwaith addysgu yn well.
• Ystyried yr arwyddion a ddaw yn sgil 'gorweithio' a sut mae osgoi mynd i'r cyflwr hwnnw
• Archwilio'r ffordd orau o ofalu am eich lles yn ystod y tymor prysur ac yn ystod adegau anodd i chi 

Ar gyfer pwy mae'r dosbarth meistr hwn?

Mae’r sesiwn hon yn addas ar gyfer unrhyw un sy’n gweithio ym myd addysg, ond yn enwedig y rhai sy’n teimlo eu bod wedi eu llethu gan lwyth gwaith, gan gynnwys athrawon sy’n ei chael hi’n anodd teimlo eu bod yn athrawon llwyddiannus, gan lwyddo ar yr un pryd i ofalu am eu lles.