Sicrhau amodau teg i athrawon ym Mhowys

 

Yn y cyfarfodydd mae trafodaethau adeiladol wedi digwydd gyda swyddogion adnoddau dynol, cynghorwyr ac ymgynghorwyr cyfreithiol yr Awdurdod ar bolisïau amrywiol sy'n cynnwys:

absenoldeb, disgyblu, chwythu'r chwiban, defnydd o e-dechnoleg, cwynion, gweithio'n hyblyg, camddefnydd sylweddau a chefnogi rhieni sy'n gweithio.

 

Mae'n allweddol ein bod fel undebau'n mynychu'r cyfarfodydd hyn  gan ein bod am sicrhau tegwch i'n haelodau a bod y cyflogwr yn ystyried oblygiadau’r polisïau y maent yn eu hawduro. Mae’r trafodaethau wedi arwain at newidiadau fydd yn amddiffyn ein haelodau ac yn sicrhau bod pawb yn cael eu trin yn gyfartal a gyda pharch.

 

Bydd y cyfarfod nesaf ar ddiwrnod olaf y mis gyda'r bwriad o ddod i gytundeb ar gynnwys y polisïau a sefydlu patrwm o gyfarfodydd cyson gyda'r adran adnoddau dynol i drafod materion cyflogaeth. Credwn fod y math hwn o berthynas gyda'r cyflogwr yn hanfodol er mwyn sicrhau lles ein haelodau.