20 Mawrth 2020
Mae’r cyfnod hwn yn un eithriadol o bryderus i bawb, ac yn arbennig felly i’r sawl sy’n poeni am ffynonellau incwm nawr bod ysgolion a cholegau yn cau.
Rydym mewn trafodaethau dyddiol gyda Llywodraeth Cymru am faterion yn ymwneud ag oblygiadau COVID-19 a threfniadau ysgolion dros yr wythnosau a'r misoedd nesaf.
Cau ysgolion – penderfyniad doeth, meddai UCAC
Mae undeb addysg UCAC wedi croesawu datganiad y Gweinidog Addysg heddiw bod y gwyliau Pasg i ysgolion yn dechrau’n gynt, ar ddydd Gwener 20 Mawrth ar yr hwyraf.
Dywedodd Dilwyn Roberts-Young, Ysgrifennydd Cyffredinol UCAC “Yn ystod y dyddiau a’r wythnosau diwethaf, mae staff ysgolion wedi dangos eu parodrwydd i fod yn y rheng flaen pan ddaw’n fater o fynd i’r afael â lledaeniad Covid-19.
“Mae UCAC yn croesawu’r datganiad gan y Gweinidog Addysg heddiw sy’n sicrhau cysondeb ledled Cymru, ac sy’n rhoi addewid i ystyried sut i ddiogelu’r dysgwyr mwyaf bregus yn ein cymunedau.
“Bydd UCAC yn parhau mewn trafodaethau dyddiol gyda Llywodraeth Cymru, ac yn pwyso’n arbennig am ddau beth yn y tymor byr.
“Y cyntaf yw datganiad buan iawn ynghylch sefyllfa arholiadau allanol. Mae’r ansicrwydd yn achosi pryder difrifol i ddisgyblion a staff fel ei gilydd. Rhaid cael eglurder cyn gynted â phosib.
“Yr ail yw set o ganllawiau clir ynghylch yr hyn y gellir disgwyl i staff ei wneud yn ystod y cyfnod hwn, gan gynnwys sut i gymryd i ystyriaeth sefyllfa staff sy’n sâl neu sydd â chyfrifoldebau gofal.
“Byddwn yn parhau hefyd i gynnig cyngor a chefnogaeth i’n haelodau mewn cyfnod eithriadol o anodd i bawb.”
Nodiadau
Am fanylion pellach cysylltwch â:
Mae Iechyd Cyhoeddus Cymru wedi cadarnhau bod y coronafeirws (COVID-19) wedi cyrraedd Cymru a bod claf dan oruchwyliaeth.
Rydym yn dwyn i’ch sylw ganllawiau gan Lywodraeth Cymru i gynorthwyo ysgolion a lleoliadau addysgol eraill i roi cyngor i ddisgyblion, myfyrwyr, staff, a rhieni neu ofalwyr ynglŷn â coronafeirws:
Cymraeg: https://llyw.cymru/canllawiau-ar-covid-19-ar-gyfer-lleoliadau-addysgol
Saesneg: https://gov.wales/guidance-educational-settings-about-covid-19
Yn ogystal, dyma ddatganiad a ryddhawyd gan Gymwysterau Cymru:
Cofiwch gysylltu gyda ni os ydych am drafod ymhellach.
Croeso i’r cwricwlwm – ond angen gofal wrth weithredu
Mae undeb addysg UCAC wedi croesawu lansio canllawiau diwygiedig Cwricwlwm Cymru gan Lywodraeth Cymru heddiw (28 Ionawr), mae wedi rhybuddio bod angen talu sylw i faterion penodol wrth ddechrau ei weithredu.
Dywedodd Rebecca Williams, Is-ysgrifennydd Cyffredinol UCAC “Mae heddiw’n ddiwrnod hanesyddol ble mae cwricwlwm wedi’i lansio sy’n benodol i Gymru – mae hynny’n gam aruthrol ac yn deyrnged i weledigaeth y Gweinidog Addysg a gwaith diwyd y proffesiwn dysgu yng Nghymru dros nifer o flynyddoedd.
“Mae’r Gweinidog ei hun wedi dweud na ddylai ysgolion ruthro i gynllunio yn sgil cyhoeddi’r ddogfennaeth heddiw – ond yn hytrach y dylent gymryd amser i ddeall y model newydd a thrafod eu gweledigaeth a’u gwerthoedd. Mae hynny’n gyngor doeth.
Mae UCAC wedi colli un roddodd wasanaeth diflino i’r Undeb ac i les athrawon a disgyblion ym mhob cwr o Gymru.
Bu Siân Cadifor yn ysgrifennydd sirol UCAC yn Rhondda Cynon Taf, yn aelod o’r Cyngor Cenedlaethol ac wedi cyfrannu at nifer o bwyllgorau’r Undeb dros y blynyddoedd gan gynnwys yr Adran Gydraddoldeb.
Roedd parch aruthrol iddi ymysg ein cyd-aelodau ac ymysg addysgwyr a hithau gyda chonsyrn am addysg y disgyblion a dros sicrhau lles yr athro yn ogystal ag awydd i weld Cymru’n llwyddo a’r Gymraeg yn ffynnu.
Rydym yn cydymdeimlo’n ddwys gydag Elin a Rhun, ei brawd a’i chwaer, a gyda’r teulu cyfan.
Yn dilyn gwasanaeth preifat yn Amlosgfa Llangrallo, cynhelir gwasanaeth cyhoeddus yng Nghapel y Tabernacl, Efail Isaf am 12pm, ddydd Sadwrn, Ionawr 25ain, 2020.